വയർ ചാടുന്നതിനു പിന്നിലുണ്ട് ഈ കാരണങ്ങൾ; പരിഹരിക്കാൻ അറിയേണ്ടത്
കുടവയർ ആഢ്യത്വത്തിന്റെ പ്രതീകമായി കണ്ടിരുന്ന ഒരു തലമുറ ഉണ്ടായിരുന്നു. എന്നാൽ ഇപ്പോൾ എല്ലാവർക്കും അറിയാം ഈ കുടവയർ അത്ര നല്ല ലക്ഷണമല്ല എന്ന്. വയറിലെ ചർമത്തിനടിയിൽ കൊഴുപ്പ് അടിഞ്ഞുകൂടുന്നതാണ് കുടവയറിനു കാരണം. ഇതോടൊപ്പംതന്നെ വയറിനുള്ളിൽ ആന്തരികാവയവങ്ങളിൽ അടിഞ്ഞു കൂടുന്ന വിസറൽ ഫാറ്റ് എന്ന കൊഴുപ്പാണ് കൂടുതൽ അപകടകാരി.
ജോലിയുടെ സ്വഭാവവും കുടവയറും
ഒരു വ്യക്തിയുടെ ജോലിയും കുടവയറും തമ്മിൽ ബന്ധമുണ്ട്. കായികാധ്വാനം ഒട്ടുമില്ലാത്ത ഓഫിസ് ജോലിയോ മണിക്കൂറുകളോളം ഒരേ ഇരുപ്പ് ഇരുന്ന് ചെയ്യുന്ന ഐടി ജോലികളോ ചെയ്യുന്നവരിൽ കുടവയറിനുള്ള സാധ്യത കൂടുതലാണ്. ഇത്തരക്കാർ ഓരോ മണിക്കൂറിലും അഞ്ചു മിനിറ്റെങ്കിലും എഴുന്നേറ്റു നടക്കുകയോ സ്ട്രെച്ചിങ് വ്യായാമങ്ങൾ ചെയ്യുകയോ വേണം. തീരെ നടക്കാതെയും ശരീരം ഒട്ടും അനങ്ങാതെയും സുഖിച്ചു ജീവിക്കുന്നവർ ഒരു 30 വയസ്സ് പിന്നിടുമ്പോഴേക്കും പലപ്പോഴും കുടവയറിന്റെ അമിഭാരംകൂടി ചുമക്കേണ്ടി വരും.
ആഹാരരീതി മാറ്റണം
മൂന്നോ നാലോ നേരം ധാന്യങ്ങൾ അതായത് അരി, ഗോതമ്പ്, ഓട്സ് തുടങ്ങിയവയും കിഴങ്ങുകളും ഇഷ്ടംപോലെ കഴിച്ചുകൊണ്ടിരുന്നാൽ ചെറുപ്പത്തിലേ കുടവയർ പിടികൂടാം. ധാന്യങ്ങൾ രണ്ടു നേരമാക്കി പരിമിതപ്പെടുത്തുക. ഒരു നേരം പയറുവർഗങ്ങളോ പച്ചക്കറികളോ ഇലക്കറികളോ പഴങ്ങളോ കഴിക്കാം. കാർബോഹൈഡ്രേറ്റിന്റെ അളവു കുറച്ച് പകരം പ്രോട്ടീൻ കൂടുതലടങ്ങിയ ഭക്ഷണങ്ങൾ കഴിക്കാം. ഊർജ്ജം കുറഞ്ഞ ഭക്ഷണം ശീലമാക്കുന്നതാണ് കുടവയർ കുറയ്ക്കാൻ ഉത്തമം.
നല്ലൊരു കൊച്ചിന്റെ സഹായത്തോടെ അമിത ഭാരം കുറക്കാം
Comments
Post a Comment